ჩვენ შესახებ
„გაკვეთილები საზღვრების გარეშე“
ფონდი „დიასპორების ალიანსი საქართველოსთვის“ და დიასპორული ორგანიზაცია „ნიდერლანდების ქართული კულტურის ცენტრი“ 2020 წლიდან ახორციელებს ერთობლივ პროექტს: პირველი ქართული საერთაშორისო დიასპორული ონლაინსკოლა – „გაკვეთილები საზღვრების გარეშე“ .
პროექტი აერთიანებს მსოფლიოს 20 ქვეყნაში მცხოვრებ ქართველ ემიგრანტ მოსწავლეებს და ასევე მათ თანატოლებს საქართველოდან
ქართველი ემიგრანტი მოზარდებისთვის საგანმანათლებლო-სააღმზრდელო ციკლების შექმნა ფონდის სტრატეგიული გეგმის ნაწილია.
ფონდის პრეზიდენტი, ქალბატონი თიკა სვანიძე-ვენკო თანამოაზრეებთან ერთად ამ დიდებული საქმის საფუძვლის ჩამყრელია. მნიშვნელოვანია, რომ პროექტი მისივე პატრონაჟით ხორციელდება.
პროექტისთვის საგანმანათლებლო რესურსებს ქმნიან ჰუმანიტარული, ზუსტი და საბუნებისმეტყველო, საზოგადებრივი და სახელოვნებო საგნობრივი ციკლების აღიარებული მასწალებლები, მეცნიერები, ხელოვნებისა და კულტურის ცნობილი მოღვაწეები. საქმიანობაში აქტიურად არიან ჩართული სამეცნიერო-კვლევით ცენტრებში მოღვაწე ღვაწლმოსილი მეცნიერები.
ონლაინსკოლის ძირითადი პრინციპები:
- საგანმანათლებლო-შემეცნებითი პროცესის წარმართვა რამდენიმე სასწავლო დისციპლინის გაერთიანების საფუძველზე;
- სპეციალურად ემიგრანტ მოზარდებზე მორგებული ქართული ენის სწავლების მეთოდოლოგიის დანერგვა;
- მოზარდბისათვის არგუმენტირების, მსჯელობის, მახსოვრობის, ემოციური გაწონასწორებულობის უნარების განვითარება;
- თანატოლებთან ინტერაქცია ვირტუალური საკლასო ოთახის ფარგლებში, ახალი მეგობრების შეძენა, მოგზაურობა და მომავალში საერთო ეროვნული საქმეების განხორციელებისათვის მომზადება.